الريجنسي
فندق الريجنسي من أوائل الفنادق الموجودة بالكويت
و الحلو موقعه اللي يعتبر من أهم المواقع بالكويت
على الشريط الساحلي للخليج العربي
ما بين الشوارع الرئيسية
و الأحلى قريب من وايد أماكن بالكويت الحبيبة
ممكن الفندق معروف بين الكل بقاعات الحفلات و الأستقبالات
بس بالنسبة لي واحد من الوجهات اللي اختارها اذا بحجز فندق
بنظرتي يعتبر من الفنادق الفخمة اللي اختارها من بين الفنادق بالكويت
يمكن السبب طراز الفندق الكلاسيكي الفاخر
لما ادش فندق الريجنسي اربع شغلات تشدني
الأولى القبة الزجاجية تعطي شراحة للمكان بشكل مو طبيعي
الثانية الرخام اللي أينن و يعطي فخامة للمكان
الثالثة ريحة الفندق نظافة على استرخاء احبها الريحة
الرابعة و هالشي دايم يشدني السنتر بيس اللي عندهم و تنسيق الورد فيها
اتينن وكل يوم شكل وابداع صراحة أحبها وايد
باللوبي لان يكون اللوان لاونغ
مجرد القعده فيه خاصة بالنهاري يعطي الشعور بالأسترخاء
و اللي صج يعجبني بالفندق الهدوء والكلاسيكية اللي فيه
و الأحلى أن الفندق يطبق الشريعة الأسلامية هالشي بالنسبة وايد حلو و مناسب لنا خاصة في ديرتنا
يعني حتى التدخين ممنوع لله الحمد يعني استمتاع بالأجواء الحلوة
الليوان لاونوج يقدم الشاي السنغافوري الفاخر اللي يقدمونه الريجنسي حصرياً 
و بإذن الفندق بصدد افتتاح نادي رياضي في الدور الخامس و راح يطل على منظر جميل
و أيضا محل للكيك و الشوكلا الفاخره – اللنك السابق-
بالإضافة مطعم ستيك هاوس ايطالي بإسم بلسيمكو
وبعد هالجولة باللوبي و لازم نروح نشوف الغرف
عن تجربة صراحة من افخم الفنادق بالكويت اذا كنتوا من محبي الطراز الكلاسيكي الفاخر
الفندق في 203 غرفة من بين الغرف العادية الى الأجنحة
و اللي حبيته بالأجنحة مسوينها على أسامي كويتية مثل جناح كبر و بوبيان 
الجناح اينن ..
بالنسبة لي جربت الغرفة العادية و هم حسيت انها ما فرقت بالرفاهية عن الجناح ..
كل الغرف تتمتع برفاهية خاصة فيها
و أيضا الفندق يقدم قاعة تنفيذية مجهزة للإجتماعات
أيضا يتمتع الفندق بأحواض سباحة بالإضافة الى شاطئ بحري اينن
الواجهات الخارجية اللي تطل على الأحواض حبيتها 
الأحلى من كل هذا
و الخبر اللي راح يونس البنات
في عندهم لاونج خاص للسيدات فقط
LADAIES LOUNGE
يعني بحر و حوض و خصوصية
و بالفعل انا دشيتها و شيشتني اروح اجربها على يوم
التجهيزات وايد ممتازة من غرف التبديل لين الأحواض و الكراسي و الشاطئ كلها خصوصية وتاخذون راحتكم
هذا الجزء الأول من جولتنا البسيطة في فندق الريجنسي
و ان شاءالله باجر نستعرض لكم تجربتنا في مطعم طريق الحرير
Tel: + 00965 – 25766666
Twitter @TheRegencyQ8
Instagram: TheRegencyQ8
Website: www.theregencykuwait.com
