Beauty Tips By DAF | Home Made Whiting Cream

و نرد مع واحد من بوستات عناية دلال
DAF
اليوم ببتكلم عن خلطة التبيض
photo_7
* و انتي بالبيت سوي هالحركه يومياً اول اسبوع او يوم و ترك و بعدين اعتمديها ٢-٣ بالاسبوع:
١-غسلي ايدج بصابونيه معتمده  لتبيض او صابونه البابايا 
photo_6
٢- بعدين قشريها بمقشر استيفنز بالمشمش  او سوي مقشر سهل لكل كوب شكر نص كوب زيت زيتون و بس 
انا استخدم صنفره الشكر بزبده الشيا مالتي تلقينها بهاشتاقي #عناية_دلال
 و بعدين اخذي نص ليمونه و فركي مفاصل ايدج السمرا الي حرقتها الشمس و اطرافها و خليه لين ينشف و حطي فوقه هرده و لبسي القلفز الشفاف تلقينه بالجمعيه و خليه نص ساعه او اقل و بعدين غسلي ايدج و رطبيها. 
photo_5 photo_8
 
٣-انا استخدم زبده الافوكادو المعروفه بخاصيه تفتيح البقع الصعبه مثل المفاصل و الاركب و الاكواع .. او استخدموا
فازلين الجل بالصبار فظيع لترطيب و البياض .
photo photo_4
 
٤- اعتمدي كريم جليسوليد كعنايه ليليه دايمه و صدقيني راح تنسين البدي كير و المني كير و اسفل القدم صج بيصير ناعم. 
photo_3
 
٥- بعد هالمحافظه و العنايه لا تخربين ايدج لما تطلعين بالشمس انا استعمل كريم بلوك اند وايت مع حمايه و احلى شي حجمه الصغير الي يكفي الجنطه تلقينه عند التاجره ترف او كريم فازلين الوردي موحد اللون بالجمعيه .. و للسي ادسوس ..
 ادري هلاقه بس للجمال ثمن:) 
photo_2 photo_1

 

 

Beauty Tips By DAF “Organic Shower gel”

نرجع مع وحدة من خلطات 

DAF

أو بوستات 

عناية دلال

اليوم بتتكلم دلال عن خلطة

الصابونية

photo

فكره الصابونيه عباره عن خلط مجموعه صوابين كل وحده يكون لها فايده للجسم و تبشرينها و تذوبينها بماي ورد و تضيفين بودرات و زيوت طبيعيه تفيد الجسم  ..
الي اكتشف الصابونيه  مزيونه و شقرا من منتدى الكويتيات و عطتنا خلطتها الاساسيه و قام الكل يسوي خلطتها و يغير شوي بنوعيه الصوابين او البودرات على حسب حاجته ..
فوايد الصابونيه وايد اولاً طبيعيه و فرش و تغذي الجسم و صج  تحسين بنظافه و انتعاش بعد استخدامها و مع الاستمرار
.. بس اهم شي بعد الصابونه ترطبين جسمج لانها تنشف ..را
ح تلاحظين توحد اللون و اغلاق مسامات الرجل و النعومه 
.. بس اهم شي بعد الصابونه ترطبين جسمج لانها تنشف ..
كل اللي تحتاجونه
photo_1
١- صابونه الكركم و المره : نظافه تبييض شد تطهير 
٢-صابونه غلوتاثيون : تبيض 
٣-صابونه البابايا : تبييض تشيل الحبوب و توحد اللون

photo_2

بودرات طبيعيه :
ملعقتين بودره جوز الهند : تبييض و تغذيه
ملعقتين ترمس مطحون : تبييض تخفيف ظهور الشعر 
 ملعقتين عيش مطحون: تبييض و تغذيه 
ملعقه كركرم جسم : تبييض 
نشا : قابض و مبيض 
ملح : تطهير و حافظ للخلطه

photo_3

الزيوت :
استخدمي الغطاء لقياس كميه الزيت ( مقدار ٢ )   الزيوت من الحواي 
١- زيت الجلسرين : ترطيب 
٢- زيت اللوز المر : ترطيب تبييض تخفيف ظهور الشعر 
٣- زيت مشمش العلبه كلها : تعطير الخلطه 
٤- ٦ حبه فيتامين اي : تغذيه و ترطيب قصيها و فرغيها ( الصيدليه)

photo_4photo_7photo_6photo_5photo_8photo_9

 

 بشري الصوابين
سخني كوب و نص ماي ورد في جدر
ضيفي البودرات كلها عدا النشا
لما تمتزج ضيفي الصوابين
لما تبدي تذوب ضيفي الزيوت و الفيتامين
خلطيه عدل لين يمتزج و شيليه من النار و ظيفي النشا و خلطي
نطري الخلطه تبرد و عبيها بعلبه و حطيها في الثلاجه ١٢ ساعه قبل الاستعمال
و بعدين استخدميها عادي بالشاور  و لتعزيز فعاليتها صنفري جسمج ٣-٤ مرات بالاسبوع
و استخدمي قلوفز بودي شوب بالتفرك و حرصي على الترطيب بعد الشاور
و تقدرين تستخدمينها بعد الحمام المغربي كخلطه مبيضه

 

 
 

Walk .. Instagram .. & Win!

لمشاهدة زيارتنا لمقر التسجيل لسباق المشي لبنك الكويت الوطنياضغط هنا

لمعرفة تفاصيل سباق المشي والأوقاتاضغط هنا

NBK Walkathon 2013

Continue reading

Android Apps Instagram *BEST*

Some of our readers asked for some Android Apps for Instagram. well, in this post I will be sharing with you some of the Apps I use for Instagram. Most of these Apps are meant for making collages, frames and graffiti.

Instagram-for-android

Continue reading

Review : @stickygram Turns your Instagram images into lovely little Magnets

ذاك اليوم وانا احوس بالنت

طحت على موقع وايد حلو خاصة اللي يبون يحتفظون بصورهم

الموقع طريقته ان يدخل على أكاونتكم الخاص بالأنستغرام و تالي تختارون الصور اللي حابينها

وبعدين يطبعونها لكم على مغناطيس :)

طريقة الموقع جدا سهلة  , وإدارة الموقع ما تقصر عن اي استفسار

Continue reading